તળાજા પોલીસે પેટ્રોલિંગ દરમ્યાન તળાજાના રામપરા રોડ પરથી તળાજા તરફ આવી રહેલી કાર અટકાવી તલાશી લેતા કારમાંથી વિદેશી દારૂની ૧૭૭ બોટલ કિંમત રૂપિયા ૫૧, ૯૭૮ની મળી આવતા કાર અને મોબાઈલ મળી કુલ રૂપિયા ૨, ૦૬, ૯૭૮ના મુદ્દામાલ સાથે તણાસા ગામના શખ્સને ઝડપી લઈ તેની પૂછતાછ કરતા દારૂનો જથ્થો ટીમાણા ગામના શખ્સે આપ્યો હોવાનું જણાવતા પોલીસે તેને ઝડપી લેવા તજવીજ હાથ ધરી હતી.
પેટ્રોલિંગમાં રહેલી તળાજા પોલીસને મળેલી બાતમીના આધારે તળાજાના રામપરા રોડ પર તળાજા તરફ આવી રહેલી કાર નંબર જી. જે. ૦૪સી આર ૪૨૪૭ને અટકાવી તલાશી લેતા કારમાંથી વિદેશીદારૂની અલગ-અલગ મળી કિલો ૧૭૭ બોટલ કિંમત રૂપિયા ૫૧, ૯૭૮ ની મળી આવતા કાર કિંમત રૂપિયા ૧, ૫૦,, ૦૦૦ અને મોબાઈલ કિંમત રૂપિયા ૫, ૦૦૦ મળી કુલ રૂપિયા ૨, ૦૬, ૯૭૮ નો મુદ્દામાલ કબ્જે લઈ પોલીસને જોઈ ભાગવા જતાં ઝડપાયેલ ક્રિપાલસિંહ જયવંતસિંહ (ઉ. વ. ૨૨, રે. પોસ્ટ ઓફિસ સામે, તણાસા, તા.ઘોઘા, જિ. ભાવનગર)ની પૂછપરછ કરતા દારૂનો જથ્થો તળાજા તાલુકાના ટીમાણા ગામે રહેતો ભાવેશ ઉર્ફે ભોલો ગોવિંદભાઈ કોતરે ટીમાણા ગામની મુક્તિવાડા નામે ઓળખાતી જગ્યા પરથી કારમાં ભરી આપ્યાનું જણાવતા પોલીસે ભાવેશ ઉર્ફે ભોલો ગોવિંદભાઈ કોતર સામે પ્રોહીબીશન હેઠળ ગુનો નોંધી તેને ઝડપી લેવા તજવીજ હાથ ધરી હતી.