રાજકોટ મહાનગરપાલિકા (RMC) દ્વારા જંગલેશ્વર વિસ્તારમાં ચાલી રહેલું દબાણ હટાવો અભિયાન આજે બીજા દિવસે પણ તેજ ગતિએ ચાલુ રહ્યું હતું. ગઈકાલે ૨૩ ફેબ્રુઆરીથી શરૂ થયેલા આ ઓપરેશનમાં મનપાના બુલડોઝરોએ જંગલેશ્વરના આજી નદી પટ્ટા અને ટી.પી. રોડ પર આવેલા વર્ષો જૂના ગેરકાયદેસર બાંધકામોનો સોથ વાળી દીધો છે.

ડિમોલિશનના તાજા આંકડા (૨૪/૦૨/૨૦૨૬, સાંજ સુધી)
રાજકોટ મનપા દ્વારા જાહેર કરવામાં આવેલા સાંજના ૦૭:૩૦ વાગ્યા સુધીના રિપોર્ટ મુજબ કામગીરીની વિગતો નીચે મુજબ છે:

આજી નદીનો પટ્ટો થશે દબાણમુક્ત
આ ઓપરેશનનો મુખ્ય હેતુ આજી નદીના પટ્ટામાં થયેલા ગેરકાયદે દબાણોને દૂર કરી નદીના વહેણને સુરક્ષિત કરવાનો અને ટી.પી. રોડને ખુલ્લો કરવાનો છે. મનપાના અધિકારીઓ, ચુસ્ત પોલીસ બંદોબસ્ત અને કાફલા સાથે આ કાર્યવાહી હાથ ધરવામાં આવી હતી. ૧૫૦૯ બાંધકામો પૈકી ૧૫૦૪ તોડી પાડવામાં આવ્યા છે, જે દર્શાવે છે કે તંત્ર આ વખતે કોઈ પણ પ્રકારની બાંધછોડ કરવાના મૂડમાં નથી.

હવે માત્ર ૫ બાંધકામો બાકી
મનપાના અહેવાલ મુજબ હવે માત્ર ૫ બાંધકામો દૂર કરવાના બાકી છે. આ બાકી રહેલી કામગીરી આવતીકાલે એટલે કે ૨૫ ફેબ્રુઆરીના રોજ પૂર્ણ કરવામાં આવશે. આ સાથે જ જંગલેશ્વર વિસ્તારનો આજી નદી પટ્ટો સંપૂર્ણપણે દબાણમુક્ત જાહેર કરવામાં આવશે.