આજે લોકસભા ચૂંટણી યોજાય તો ભાજપની આગેવાની હેઠળની એનડીએ સત્તામાં પાછી ફરી શકે છે. જોકે, એનડીએની બેઠક અને મત હિસ્સામાં અગાઉના સર્વેની તુલનામાં ઘટાડો થવાનો અંદાજ છે. દરમિયાન, કોંગ્રેસની સ્થિતિમાં નોંધપાત્ર સુધારો થતો દેખાય છે. આ સર્વે દિલ્હીમાં કોકરોચ જનતા પાર્ટી(સીજેઆઈ)ની આગેવાની હેઠળના વિધાર્થીઓના વિરોધ પ્રદર્શન પછી કરવામાં આવ્યો છે. સર્વે મુજબ, મોટાભાગના લોકો હજુ પણ નરેન્દ્ર મોદીને વડા પ્રધાનપદ માટે સૌથી પસંદગીના ઉમેદવાર માને છે. કોંગ્રેસના સાંસદ રાહત્પલ ગાંધી યાદીમાં બીજા ક્રમે છે. દરમિયાન, તમિલનાડુના મુખ્યમંત્રી થલાપતી વિજય ત્રીજા ક્રમે છે, જે આશ્ચર્યજનક છે.
ઇન્ડિયા ટુડે–સી વોટર સર્વે મુજબ, ૪૯ ટકા લોકો નરેન્દ્ર મોદીને આગામી પીએમ તરીકે ઇચ્છે છે. દરમિયાન, ૨૭ ટકા લોકો રાહત્પલ ગાંધી અને નવ ટકા લોકો થલાપતિ વિજયને પોતાની પહેલી પસંદગી માને છે. સર્વેમાં રાહુલ  ગાંધી બીજા ક્રમે છે, પરંતુ લોકપ્રિયતાના સંદર્ભમાં તેઓ હજુ પણ પીએમ મોદીથી ઘણા પાછળ છે. સર્વે સૂચવે છે કે પીએમ મોદીનો રાજકીય પ્રભાવ પહેલા જેવો જ મજબૂત છે. લગભગ અડધા લોકોએ નરેન્દ્ર મોદીને પીએમ માટે પોતાની પહેલી પસદં ગણાવ્યા હતા.
માહિતી અનુસાર, લોકપ્રિયતાના સંદર્ભમાં રાહત્પલ ગાંધી અને નરેન્દ્ર મોદી વચ્ચે ૨૨ ટકાનું અંતર છે. જોકે, સીએમ વિજય ત્રીજા સ્થાને છે, જે સ્પષ્ટ્રપણે દર્શાવે છે કે તેઓ રાષ્ટ્ર્રીય રાજકારણમાં પણ જનતામાં પોતાની ઓળખ સ્થાપિત કરી રહ્યા છે.
ઇન્ડિયા ટુડે–સી વોટર દ્રારા કરવામાં આવેલા તાજેતરના મૂડ ઓફ ધ નેશન સર્વે મુજબ, જો આજે ચૂંટણી યોજાય તો એનડીએ ૩૨૬ બેઠકો જીતી શકે છે. જાન્યુઆરી ૨૦૨૬ના સર્વેમાં એનડીએ માટે ૩૫૨ બેઠકોનો અંદાજ મૂકવામાં આવ્યો હતો. આનો અર્થ એ થયો કે એનડીએની અંદાજિત બેઠકોની સંખ્યા છ મહિનામાં ૨૬ બેઠકો ઘટી ગઈ છે. આમ છતાં, એનડીએ બહત્પમતી આંકડાથી ઘણું આગળ છે અને કેન્દ્રમાં સરકાર બનાવવા માટે તૈયાર દેખાય છે.
જોકે, આ આંકડો વડા પ્રધાન નરેન્દ્ર મોદીના ૨૦૨૪ની લોકસભા ચૂંટણી પ્રચાર દરમિયાન ૪૦૦ને પાર કરવાના લયથી ઘણો દૂર છે. સર્વેના આંકડા સૂચવે છે કે એનડીએ માટે મતદારોનો ટેકો મજબૂત રહે છે, પરંતુ તેમાં થોડો ઘટાડો થવાના સંકેતો છે.
પક્ષવાર આંકડાઓ પર નજર કરીએ તો ભાજપને સૌથી વધુ નુકસાનનો સામનો કરવો પડી રહ્યો હોય તેવું લાગે છે. તાજેતરના સર્વેમાં ભાજપને ૨૬૧ બેઠકો જીતવાનો અંદાજ છે. જાન્યુઆરી ૨૦૨૬ના સર્વેમાં પાર્ટીને ૨૮૭ બેઠકો મળવાનો અંદાજ હતો.
આમ, છ મહિનામાં ભાજપની અંદાજિત બેઠકોમાં ૨૬ બેઠકોનો ઘટાડો થયો છે. જોકે, ૨૦૨૪ની લોકસભા ચૂંટણીમાં ભાજપે ૨૪૦ બેઠકો જીતી હતી. આથી, તાજેતરનો અંદાજ હજુ પણ તેના ૨૦૨૪ના પ્રદર્શનથી ઉપર છે.
તેનાથી વિપરીત, કોંગ્રેસના સર્વેના આંકડા ઘણા સારા છે. કોંગ્રેસને ૧૦૬ બેઠકો જીતવાનો અંદાજ છે. જાન્યુઆરીના સર્વેમાં પાર્ટીને ૮૦ બેઠકો મળવાનો અંદાજ હતો. આ ૨૬ બેઠકોનો વધારો દર્શાવે છે. ઓગસ્ટ ૨૦૨૫ના સર્વેમાં કોંગ્રેસને ૯૭ બેઠકો મળવાનો અંદાજ હતો. તાજેતરનો અંદાજ તે આંકડા કરતા પણ વધારે છે