ઈરાન અને ઈઝરાયલ વચ્ચે ઘણો તણાવ છે. ઇઝરાયલના હુમલા બાદ, ઇરાને પણ યોગ્ય જવાબ આપ્યો. આ દરમિયાન, પાકિસ્તાન મેદાનમાં ઉતરી ગયું છે. એક અહેવાલમાં દાવો કરવામાં આવ્યો છે કે પાકિસ્તાને ઇઝરાયલને પરમાણુ હુમલાની ધમકી આપી છે. પાકિસ્તાને હવે ઇરાનની પ્રશંસા કરવાનું શરૂ કર્યું છે. એક વરિષ્ઠ ઇરાની લશ્કરી અધિકારીના નિવેદનને ટાંકીને, એવું કહેવામાં આવ્યું છે કે પાકિસ્તાન ઇરાનના સમર્થનમાં છે. એક અહેવાલ મુજબ, ઇસ્લામિક રિવોલ્યુશનરી ગાર્ડ કોર્પ્સના વરિષ્ઠ જનરલ અને ઇરાની રાષ્ટ્રીય સુરક્ષા પરિષદના સભ્ય મોહસેન રેઝાઈએ એક મુલાકાત દરમિયાન કહ્યું હતું કે, "પાકિસ્તાને અમને ખાતરી આપી છે કે જો ઇઝરાયલ પરમાણુ મિસાઇલોથી હુમલો કરશે, તો અમે તેના પર પરમાણુ હથિયારોથી પણ હુમલો કરીશું.

પાકિસ્તાનના સંરક્ષણ પ્રધાન ખ્વાજા આસિફે ઈરાનને ટેકો આપવાની વાત કરી હતી. તેમણે 14 જૂને રાષ્ટ્રીય સભામાં કહ્યું હતું કે મુસ્લિમ દેશોએ ઇઝરાયલ સામે એકતા બતાવવી જોઈએ. ખ્વાજા આસિફે કહ્યું હતું કે, "ઇઝરાયલે ઈરાન, યમન અને પેલેસ્ટાઇનને નિશાન બનાવ્યું છે. જો મુસ્લિમ દેશો હવે એક નહીં થાય, તો બધા સાથે પણ એવું જ થશે." ખ્વાજા આસિફે એમ પણ કહ્યું હતું કે બધા મુસ્લિમ દેશોએ ઇઝરાયલ સાથેના તમામ રાજદ્વારી સંબંધોનો અંત લાવવો જોઈએ. તેમણે ઇઝરાયલ સામે રણનીતિ બનાવવાની પણ વાત કરી હતી.