અમિતાભ બચ્ચન અલગ જ અંદાજમાં લેશે ન્યાય


રજનીકાંતની ફિલ્મ ''વેટ્ટયન' નું ટ્રેલર રિલીઝ થઈ ગયું છે. ફિલ્મનું ટ્રેલર એક્શનથી ભરપૂર છે જેમાં અમિતાભ બચ્ચન, રાણા દગ્ગુબાતી અને ફહદ ફાસિલ પણ ખાસ ભૂમિકા ભજવતા જોવા મળશે.દર્શકો ઘણા સમયથી રજનીકાંતની ફિલ્મ ''વેટ્ટયન'ની રાહ જોઈ રહ્યા છે. આ ફિલ્મ 10 ઓક્ટોબરે સિનેમાઘરોમાં આવવા માટે તૈયાર છે. આ પહેલા આ ફિલ્મનું ટ્રેલર 2 ઓક્ટોબરે રિલીઝ થઈ ચૂક્યું છે. ''વેટ્ટયન'નું ટ્રેલર એક્શનથી ભરપૂર છે જેમાં અમિતાભ બચ્ચન પણ શાનદાર લુકમાં જોવા મળી રહ્યા છે. આ ફિલ્મ દ્વારા અમિતાભ બચ્ચન અને રજનીકાંત 33 વર્ષ પછી ફરી એકસાથે સ્ક્રીન પર જોવા મળશે.


ટ્રેલરની શરૂઆત એક વિરોધ સાથે થાય છે જેમાં લોકો ગુનેગારને સજાની માંગ કરતા જોવા મળે છે. આ પછી બતાવવામાં આવે છે કે પોલીસ ગુનેગારને સજા આપવા માટે એન્કાઉન્ટર કરવાની યોજના બનાવી રહી છે. આ એક ગુનેગાર છે જે ક્રૂર માસ્ટરમાઇન્ડ છે અને મહિલાઓને તેના ગુનાઓનું નિશાન બનાવે છે. સત્યદેવના પાત્રમાં અમિતાભ બચ્ચનનું પાત્ર પણ રજૂ કરવામાં આવ્યું છે.


'વેટ્ટયન'ના ટ્રેલરમાં રજનીકાંત ફુલ એક્શન અવતારમાં જોવા મળ્યા છે. સુપરસ્ટાર કહે છે- 'ગુના એક રોગની જેમ છે, તેને ફેલાવવા દેવો જોઈએ નહીં.' અમિતાભ બચ્ચનને કહેતા સાંભળી શકાય છે - 'જસ્ટિસ ડિલેડ ઇઝ જસ્ટિસ ડિનાઇડ, જસ્ટિસ હરીડ ઇઝ જસ્ટિસ બરીડ' (ન્યાયમાં વિલંબ એ ન્યાય ન મેળવવા સમાન છે, ન્યાયમાં ઉતાવળ ન્યાયને દફનાવી દેવા સમાન છે).


ફિલ્મની સ્ટાર કાસ્ટ
​​​​​​​
અમિતાભ બચ્ચન ટી.જે. જ્ઞાનવેલ દ્વારા નિર્દેશિત ફિલ્મ 'વેટ્ટાયન'થી તમિલમાં ડેબ્યૂ કરી રહ્યા છે. આ ફિલ્મ લાઇકા પ્રોડક્શનના બેનર હેઠળ બની છે. ફિલ્મના ટ્રેલરમાં ફહાદ ફૈસીલ અને રાણા દગ્ગુબાતી પણ બતાવવામાં આવ્યા છે. આ સિવાય ફિલ્મમાં મંજુ વૉરિયર, કિશોર, રિતિકા સિંહ, દુશારા વિજયન, જીએમ સુંદર, અબીરામી, રોહિણી, રાવ રમેશ, રમેશ થિલક, રક્ષાન પણ મહત્વની ભૂમિકામાં જોવા મળશે.