રાજકોટ શહેર અને આસપાસના વિસ્તારોમાં હવામાન વિભાગ દ્વારા આવતીકાલે શનિવારે 'રેડ એલર્ટ' જારી કરવામાં આવ્યું છે. ભારેથી અતિભારે વરસાદની આ ગંભીર આગાહીને પગલે રાજકોટ મહાનગરપાલિકા અને જિલ્લા વહીવટી તંત્ર સંપૂર્ણપણે એલર્ટ મોડમાં આવી ગયું છે. ચોમાસાની કોઈપણ આપાતકાલીન સ્થિતિને પહોંચી વળવા માટે મનપા દ્વારા શહેરના વિવિધ વોર્ડ અને સંવેદનશીલ વિસ્તારોમાં અધિકારીઓની ટીમ તૈનાત કરી દેવામાં આવી છે.

સંભવિત જળબંબાકાર અને પૂર જેવી સ્થિતિથી નાગરિકોની સુરક્ષા સુનિશ્ચિત કરવા માટે મનપાના ઉચ્ચ અધિકારીઓ જાતે ગ્રાઉન્ડ ઝીરો પર પહોંચ્યા છે. ખાસ કરીને શહેરના નીચાણવાળા વિસ્તારો, નદી-નાળા કાંઠે રહેતા લોકોને સ્થાનિક સ્તરે પહોંચીને સાવચેત રહેવા માટે સ્પષ્ટ સૂચનાઓ આપવામાં આવી રહી છે. મનપા કમિશનર અને વહીવટી તંત્ર દ્વારા શહેરના અલગ-અલગ ઝોન અને વિસ્તારો અનુસાર અધિકારીઓને વિશેષ જવાબદારીઓ સોંપીને સતત મોનિટરિંગ કરવાની યોજના તૈયાર કરાઈ છે.

કોઈપણ ઈમરજન્સીમાં લોકોનું સલામત સ્થળે સ્થળાંતર કરવું પડે તો તે માટે મનપા દ્વારા રહેવા અને જમવાની પૂરતી વ્યવસ્થાઓ અગાઉથી જ ગોઠવી દેવામાં આવી છે. મધ્યમ અને ગરીબ વર્ગના લોકોને સુરક્ષિત રાખવા માટે શહેરની અલગ-અલગ શાળા-કોલેજો તથા કમ્યુનિટી હોલ (સમાજ વાડીઓ) માં શેલ્ટર હોમ (આશ્રયસ્થાન) ઊભા કરાયા છે. આ સ્થળોએ શુદ્ધ પીવાના પાણી, ભોજન અને પ્રાથમિક તબીબી સુવિધાઓની વ્યવસ્થા પણ સુનિશ્ચિત કરવામાં આવી છે, જેથી નાગરિકોને કોઈ તકલીફ ન પડે.

ભારે વરસાદની આગાહીના પગલે અને વિદ્યાર્થીઓની સાવચેતીને ધ્યાને રાખી રાજકોટ શહેર-જિલ્લામાં શાળાઓ બાદ કલેક્ટર ઓમ પ્રકાશ ઝા દ્વારા કોલેજોમાં રજા જાહેર