જૂનાગઢ એલસીબીએ રાણપુર ગામે વાડી વિસ્તારમાં મકાન ભાડે રાખી ચાલતી જુગારની ક્લબ પર દરોડો પાડી સાત જુગારીઓને રૂ.૩.૫૩ લાખના મુદ્દામાલ સાથે ઝડપી કાર્યવાહી હાથ ધરી હતી.આ અંગે પ્રાપ્ત વિગત મુજબ બલિયાવાડ ગામે રહેતો રણજીત દેસા વાળા રાણપુર ખંભાળિયા રોડ પર રાણપુરની સીમમાં આવેલ પરબ વાવડી ના જીગા હિરજી મોણપરા ના ખેતરના મકાન ભાડે રાખી જુગારની ક્લબ ચલાવતો હોવાની બાતમીના આધારે જૂનાગઢ એલસીબીએ દરોડો પડ્યો હતો. અને જુગાર રમતા રણજીત વાળા, રાજેશ ઉર્ફે બાલો અગ્રાવત, હિરેન જસાણી, અતુલ ઉનડકટ, અલ્તાપુર કાબરા, મહેન્દ્ર મોણપરા અને વલ્લભભાઈ વોરા ને ઝડપી લીધા હતા. સ્થળ પરથી ૮૩ હજારની રોકડ, સાત મોબાઈલ, બે વાહન સહિત ૩.૫૩ લાખનો મુદ્દામાલ કબ્જે કર્યો હતો. ભેસાણ પોલીસે જુગારધારા અન્વયે ગુનો નોંધી કાર્યવાહી હાથ ધરી છે