વોટર સ્પોટર્સના રજીસ્ટ્રેશનના પ્રશ્નોના નિકાલ માટે યોજાતી બેઠક

યાત્રાધામ દ્વારકાની ભાગોળે સ્થિત શિવરાજપુર બીચ ખાતે લાંબા સમયથી વોટર સ્પોર્ટસ એકટીવીટીઝ મંજૂરીના અભાવે બંધ હાલતમાં હોય, જેના કારણે સ્થાનીય સેંકડો પરિવારોના રોજીરોટીના પ્રશ્નો ઊભા થયા હોય આ અંગે જરૂરી પ્રક્રિયા પૂર્ણ કરી બીચ પર વોટરસ્પોર્ટસ એકટીવીટીઝ શ કરવા માંગ સમયાંતરે ઉઠવા પામી હોય આમ છતાં હજુ સુધી શ થઇ નથી.

તાજેતરમાં રાજયમંત્રી (વન અને પ્રવાસન) મુળુભાઈ બેરાએ શિવરાજપુર બીચ ખાતે વોટરસ્પોર્ટસ એકટીવીટીઝના રજીસ્ટ્રેશનની પ્રક્રિયા અંગે ઊભા થયેલ પ્રશ્નો અંગે વાહનવ્યવ્હાર વિભાગના સંયુકત સચિવ તથા ગુજરાત મેરીટાઈમ બોર્ડના ચીફ નોટીકલ ઓફીસર સામે બેઠક યોજી આ પ્રશ્નોના તાકીદે નિકાલ અંગે સૂચનાઓ આપી હતી. આ ટેલીફોનીક મીટીંગમાં દેવભૂમિ દ્વારકા જિલ્લાના અધિક કલેકટર ભૂપેશ જોટાણીયા પણ જોડાયા હતા.