પોલીસ સૂત્રોમાંથી મળતી વિગતો મુજબ રાજ્યના ઇન્ચાર્જ ડીજીપી ડો કે એલ એન રાવ એ રાજ્યના મુખ્ય પોલીસવડા તરીકે ચાર્જ સંભાળ્યા બાદ પ્રથમ વખત કચ્છ ના ભુજ ખાતે તારીખ 21 ને શનિવાર તેમજ તારીખ 22 ને રવિવાર ના રોજ ભુજ ખાતે કાયદો અને વ્યવસ્થા ની પરિસ્થિતિ સંદર્ભે હાઈ લેવલની ક્રાઈમ કોન્ફરન્સ ડો કે એલ એન રાવની ઉપસ્થિતિમાં યોજવામાં આવી રહી છે.

આ હાઈ લેવલની ક્રાઈમ કોન્ફરન્સમાં ઇન્ચાર્જ ડીજી ડોક્ટર કે એલ એન રાવ દ્વારા ભારત-પાક સરહદ અને દરિયાઈ સુરક્ષા મજબૂત કરવા ચર્ચા તેમજ ડ્રગ્સ હેરાફેરી અને ઘૂસણખોરી અટકાવવા બેઠકમાં ઉપસ્થિત અધિકારીઓ સાથે ચર્ચા વિચારણા કરશે.

આ ઉપરાંત પોલીસ વડા જખૌ અને પિંગલેશ્વર દરિયાઈ વિસ્તારમાં સુરક્ષા વ્યવસ્થાની સમીક્ષા કરશે મરીન પોલીસ અને સુરક્ષા એજન્સીઓની સજ્જતા ચકાસશે, અને સરહદી વિસ્તારમાં ફરજ બજાવતા જવાનો સાથે સીધો સંવાદ કરશે, તેમજ આગામી દિવસોમાં કાયદો અને વ્યવસ્થા સંદર્ભે શું કરી શકાય તે અંગે અધિકારીઓ સાથે ચર્ચા વિચારણા અને મંતવ્ય જાણશે, આ હાઈ લેવલની ક્રાઈમ કોન્ફરન્સ આજે અને આવતીકાલ બે દિવસ યોજાનાર હોવાનું જાણવા મળી રહ્યું છે.