ભાવનગર શહેરી વિસ્તારમાં રહેતી સગીરા સાથે દુષ્કર્મ આચારનાર શખ્સને ગણતરીની કલાકોમાં જ ગંગાજળિયા પોલીસે ઝડપી લીધો હતો. શહેરમાં રહેતી એક સગીરાની માતાએ ગંગાજળીયા પોલીસ મથકમાં મનિષ ઉર્ફે ગોળીયો સવજીભાઈ ભીલ (રહે.રાણીકા, મકવાણા પાન પાસે, કરચલીયા પરા) વિરુધ્ધ ફરીયાદ નોંધાવી હતી કે, તેણીની સગીર દીકરીને લલચાવી શખ્સે માવો લાવી આપવાનું કહી તેના ઘરમાં લઈ જઈ ગોંધી રાખી તેણીની દીકરી સગીર હોવાનું જાણવા છતા ઈચ્છા મરજી વિરુધ્ધ દુષ્કર્મ આચર્યું હતું. બનાવ મામલે માતાએ ગંગાજળિયા પોલીસ મથકમાં શખ્સ વિરુદ્ધ ફરિયાદ નોંધાવી હતી. ફરીયાદ અનુસંધાને ગંગાજળીયા પોલીસે આઈપીસી. ૩૭૬(૨)(એફ), ૩૭૬ (એ)(બી), ૩૭૭ તેમજ પોક્સો એક્ટ ૪, ૬, ૧૦, મુજબ ગુનો દાખલ કરી સગીરા સાથે કુકર્મ આચરનારા મનિષ ઉર્ફે ગોળીયાને ગંગાજળિયા પોલીસ મથકની ટીમે ગણતરીની કલાકોમાં જ ઝડપી પાડ્યો હતો. અને તેના વિરુદ્ધ ધોરણસરની કાર્યવાહી હાથ ધરી હતી.