કાલાવડ થી જામનગર બોર્ડની પરીક્ષા આપવા માટે આવેલી એક વિદ્યાર્થીની ઓટોરિક્ષામાં બેસીને પરત જતી હતી, દરમિયાન પોતાનો પરીક્ષાની  રીસીપ્ટ તથા અન્ય કાગળ અને સામાન સાથેનો થેલો એક રિક્ષામાં ભુલાઈ ગયો હતો. જેને જામનગરના પોલીસ વિભાગ ના સીસીટીવી કેમેરા ના કમાન્ડ એન્ડ કંટ્રોલરૂમ ની ટિમનો સંપર્ક સાધ્યા પછી સીસીટીવી કેમેરાની મદદથી રીક્ષાચાલકને શોધી લેવાયો હતો, અને વિદ્યાર્થીનીને તેનો થેલો પરત સોંપી દેવાયો છે.
કાલાવડ તાલુકાના ડુંગરાણી દેવળીયા ગામની શીતલબેન બાબુભાઈ બુસા નામની વિદ્યાર્થીની, કે જે ગઇકાલે સવારે બોર્ડની પરીક્ષા આપવા માટે જામનગર આવી હતી, અને ત્યારબાદ ઓટોરિક્ષામાં બેસીને જામનગરથી ધુંવાવ પહોંચી હતી.
દરમિયાન પોતાની રીસીપ્ટ તથા અન્ય જરૂરી કાગળ અને સામાન સાથેનોં થેલો રીક્ષામાં ભુલાઈ ગયો હતો. આથી તેણી તરત જ પરત જામનગર આવ્યા પછી પોલીસ વિભાગના સીસીટીવી કેમેરાના કંટ્રોલ રૂમનો સંપર્ક કર્યો હતો, અને કમાન્ડ એન્ડ કંટ્રોલરૂમની ટીમે જુદા જુદા સીસીટીવી કેમેરાઓની ચકાસણી કર્યા પછી રીક્ષા ચાલકને શોધી કાઢ્યો હતો, અને તેની પાસેથી રિક્ષામાં ભુલાયેલો થયેલો પરત મેળવી લીધો હતો, અને વિદ્યાર્થીનીને સોંપી દઈ ઉમદા કાર્ય કર્યું હતું. જેથી વિદ્યાર્થીનીએ તમામ પોલીસ ટીમનો આભાર માન્યો હતો.