ભારતવર્ષના ઇતિહાસમાં સૌપ્રથમવાર ભગવાન જગન્નાથજી પૂરી મંદિરના મુખ્ય પૂજારીએ મહાપ્રસાદીભૂત ધજા લાવી કષ્ટભંજનદેવ હનુમાનજી મહારાજના મંદિરના બન્ને શીખરો ઉપર ધજા ચઢાવી હતી.
ભગવાન જગન્નાથનું સૌથી પ્રાચીન અને પ્રસિદ્ધ મંદિર ઓરિસ્સાના પુરી શહેરમાં આવેલું છે જે સપ્તપુરીઓમાંનું એક માનવામાં આવે છે. તેથી આ સ્થાનને સનાતન ધર્મના ચાર ધામોમાંનું એક ગણવામાં આવે છે.જ્યાં ભારતની અને વિશ્વની સૌથી મોટી રથયાત્રાનું દર વર્ષની અષાઢી બીજનાં દિવસે આયોજન થાય છે જેમાં લાખો લોકો ભાગ લે છે. એવા ઓરિસ્સાપુરી ભગવાન જગન્નાથ સૌથી પ્રાચીન અને પ્રસિદ્ધ મંદિરથી પધારેલ મંદિરના મુખ્ય પૂજારી સાળંગપુરધામ કષ્ટભંજનદેવ હનુમાનજી મંદિરે  દાદાના દર્શનાર્થે આવ્યા હતા. તેમનું મંદિરના કોઠારી વિવેકસાગરદાસ સ્વામી દ્વારા ફૂલહાર પહેરાવી સ્વાગત કર્યું હતું. ભગવાન જગન્નાથપુરી મંદિરના મુખ્ય પૂજારી દ્વારા ત્યાંની મહાપ્રસાદીભૂત ધજા લાવી અને ભારતવર્ષના ઇતિહાસમાં સૌપ્રથમવાર ભગવાન  જગન્નાથજીપૂરીની ધજા  કષ્ટભંજનદેવ હનુમાનજી મહારાજના મંદિરના બન્ને શીખરો ઉપર ધજા લહેરાવી હતી.તેમજ કોઠારીશ્રી વિવેકસાગરદાસ સ્વામીને સાલ ઓઢાડી ભગવાન  જગન્નાથજીની શુભકામનાઓ પાઠવી હતી.