રાજ્ય સરકારે જંત્રી સુધારણા માટે સમિતિની રચના કરી છે. જેમાં તમામ સમિતિમાં જિલ્લા કલેક્ટરને સમિતિના અધ્યક્ષ બનાવવામાં આવ્યા છે. મનપા, નગરપાલિકા, અર્બન ડેવલોપમેન્ટ એરિયા (UDA) અને ગ્રામ્ય કક્ષાએ સમિતિની રચના કરવામાં આવી છે.

કલેક્ટર સહિત સમિતિમાં મનપાના 7, નપા, UDAના 6 સભ્યો રહેશે. જ્યારે ગ્રામ્ય કક્ષાની સમિતિમાં કુલ 5 સભ્યો રહેશે. જંત્રી વિવાદ, જંત્રીની ક્ષતિઓ સહિતના વિષયો આ સમિતિ સમક્ષ મૂકવામાં આવ્યા છે. સમિતિએ 15 દિવસમાં પોતાનો અભિપ્રયા આપવો પડશે. ગુજરાત સ્ટેમ્પ ડ્યુટી કચેરીને અભિપ્રાય મોકલવો પડશે.