પ્રભાસ પાટણ પંથકમાં ભાવેશ કાળાભાઇ સોલંકીના ટાટા કંપનીનુ ડમ્પર ટ્રક નં જીજ–૩૨ટી–૪૨૧૦ તથા ડમ્પર ટ્રક નં જીજે–૩૨ટી–૩૬૦૪ તથા ડમ્પર ટ્રક નં જીજે–૦૮એયુ–૪૦૧૫માંથી ટ્રકમાં રહેલ બેટરીઓ નંગ–૦૬ કિ.રૂા.૪૨,૦૦૦ તથા નદીમભાઇ સુલેમાનભાઇ ઘરડેરાના ટાટા કંપનીનુ ડમ્પર નં જીજે–૨૫યુ–૫૪૯૭માંથી બે બેટરીઓ કિ.રૂા.૧૪,૦૦૦ તથા ડમ્પર ટ્રકોમાંથી રાત્રીના સમયે બેટરીઓ નગં કુલ–૦૮ કિ.રૂા.૫૬,૦૦૦ની કોઇ અજાણ્યો ચોર ચોરી કરી લઈ ગયેલાની ફરિયાદ નોંધાઇ હતી.
જે અનુસંધાને પ્રભાસ પાટણ પો.સ્ટે.ના પોલીસ ઇન્સ્પેકટર એમ.વી.પટેલની સુચના તેમજ માર્ગદર્શન હેઠળ પ્રભાસ પાટણ પો.સ્ટે.ના સર્વેલન્સ સ્કોડના માણસો પો.સ્ટે. વિસ્તારમાં પેટ્રોલીંગમા હતા દરમિયાન પો.કોન્સ. પિયુષભાઇ, કરણસિંહ તથા કૃષ્ણકુમારસિંહએ  અલગ–અલગ જગ્યાના સીસીટીવી કેમેરા ચેક કરી તથા હ્યુમન સોર્સીસના આધારે આરોપી (૧) સતનામસિંગ હરનામસિંગ બાવરી–સરદાર ઉ.વ.૩૦ ધંધો.ભુંડ પકડવાનો રહે.વેરાવળ (૨) સોનુંસિંગ હરનામસિંગ બાવરી–સરદાર ઉ.વ.૨૨ ધંધો.ભુંડ પકડવાનો રહે.વેરાવળને મુદ્દામાલની અલગ–અલગ કંપની ટ્રકની બેટરીઓ નંગ–૦૮ કિંમત રૂા.૫૬,૦૦૦ તથા એક શંકાસ્પદ મો.સા. રજી નં.જીજે–૧૧બીડી–૮૭૮૨ કિંમત રૂા.૨૦,૦૦૦ કુલ કિ.રૂા.૭૬,૦૦૦ના મુદ્દામાલ સાથે ઝડપી લઇ ધોરણસરની કાર્યવાહી હાથ ધરી હતી.
આ કામગીરીમાં પ્ર.પાટણ પો.સ્ટે.ના પો. ઇન્સ. એમ.વી.પટેલની સુચના મુજબ એએસઆઇ હિરેનભાઇ રામસિંગભાઇ, પો.હેડ.કોન્સ. ફુલદિપસિંહ, અરજણભાઇ, પો.કોન્સ. કરણસિંહ, પિયુષભાઇ, કૃષ્ણકુમારસિંહ, રાજેશભાઇ તથા સુભાષભાઇ કાર્યરત હતાં