રસ્તા વચ્ચે રેતીનો ઢગલો નડતર રૂપ હોવાથી હટાવી લેવાનું કહેતા યુવકને તું દોઢો થામાં તને એક નેજ રેતીનો ઢગલો નડે છે ? રસ્તો તારા બાપુજીનો નથી કહી જ્ઞાતિ પ્રત્યે હડધૂત કરી જાનથી મારી નાખવાની ધમકી આપતા યુવકએ બંધુઓ સામે ફરિયાદ નોંધાવતા પોલીસે એટ્રોસિટી સહિતની કલમ હેઠળ ગુનો નોંધ્યો છે.

ખાંભાના જીકીયાળી ગામે રહેતા અને મજૂરી કામ કરતા સંજય પ્રેમજીભાઈ ગોહિલ (ઉ.વ.38) નામના યુવકએ ખાંભા પોલીસ મથકમાં નોંધાવેલી ફરિયાદમાં રાજેશ ઉર્ફ રાજુભાઇ વાલજીભાઇ નસીત અને તેના ભાઈ નરેશ વાલજીભાઇ નસીત ના નામ આપ્યા છે. ફરિયાદમાં જણાવ્યું છે કે, હું અને મારી પત્ની ઘરે જતા હતા ત્યારે રસ્તામાં રાજેશભાઈના મકાનનું કામ ચાલુ હોય અને બે મહિનાથી રેતીનો ઢગલો રસ્તામાં પડ્યો હોવાથી આવવા જવામાં નડતરરૂપ થતો હોવાથી મેં રાજેશભાઈને રેતીનો ઢગલો લઇ લેવા માટેનું કહેતા રાજેશભાઈ કહેવા લાગ્યા હતા કે તું દોઢીનો થામા, આખું ગામ બીજા રસ્તેથી હાલે છે, 

આ રસ્તો તારા બાપુજીનો નથી, કહી જ્ઞાતિ પ્રત્યે ગાળો આપી હતી એવામાં તેનો ભાઈ નરેશ ઘરની બહાર નીકળી આજે તો આને કાપી જ નાખવા છે કહી જાનથી મારી નાખવાની ધમકી આપી માથાફૂટ કરવા લાગ્યા હતા. એવામાં મારા માતા-પિતા આવી જતા અમને છુટા પાડ્યા હતા. જતા જતા રાજેશભાઈએ મને બીજા રસ્તેથી નીકળવા સૂચના આપી હતી. અને તારે જ્યાં ફરિયાદ કરવી હોય ત્યાં કર હું કોઈથી બીતો નથી તેમ કહ્યું હતું. પોલીસે યુવકની ફરિયાદ પરથી બંને ભાઈઓ સામે એટ્રોસિટી સહિતની કલમ હેઠળ ગુનો નોંધી કાર્યવાહી કરી છે.