ડોનાલ્ડ ટ્રમ્પે કહ્યું, મેં આઠ યુદ્ધો સમાપ્ત કર્યા, મને લાગ્યું કે રશિયા-યુક્રેન યુદ્ધ બંધ કરવું સરળ રહેશે, પરંતુ તે સરળ બનાવવામાં આવી રહ્યું નથી. અમે રાષ્ટ્રપતિ પુતિન અને રાષ્ટ્રપતિ ઝેલેન્સકી સહિત યુક્રેનિયન નેતાઓ સાથે વાત કરી રહ્યા છીએ. હું થોડો નિરાશ છું કે રાષ્ટ્રપતિ ઝેલેન્સકીએ હજુ સુધી પ્રસ્તાવ વાંચ્યો નથી. રશિયાને તેનાથી કોઈ સમસ્યા નથી. તેમના લોકોને તે ગમે છે, પરંતુ તેઓ તૈયાર નથી.

વોર્નર બ્રધર્સ ડિસ્કવરી હસ્તગત કરવાના નેટફ્લિક્સ સોદા પર, ટ્રમ્પે કહ્યું-તેને એક પ્રક્રિયામાંથી પસાર થવું પડશે અને આપણે જોઈશું કે શું થાય છે. નેટફ્લિક્સ એક મહાન કંપની છે, પરંતુ તેનો બજાર હિસ્સો મોટો છે આથી આપણે જોવું પડશે કે શું થાય છે.

ટ્રમ્પે ભારત અને પાકિસ્તાન વચ્ચેના સંઘર્ષનો પણ ખોટો શ્રેય લીધો. અમેરિકન રાષ્ટ્રપતિએ વારંવાર દાવો કર્યો હતો કે ભારત-પાકિસ્તાન યુદ્ધ તેમના કારણે બંધ થયું હતું. જોકે, ભારતે ટ્રમ્પના જુઠ્ઠાણાને ઉજાગર કર્યા હતા. પાકિસ્તાનના વડા પ્રધાન શાહબાઝ શરીફ અને ફિલ્ડ માર્શલ અસીમ મુનીર અમેરિકાના આધીન રહ્યા છે. ઓપરેશન સિંદૂર પછી ટ્રમ્પને મળવા માટે બંને વ્હાઇટ હાઉસ ગયા હતા.

ઉલ્લેખનીય છે કે, અમેરિકા કેરેબિયન સમુદ્રમાં એક ઓપરેશન ચલાવી રહ્યું છે. અમેરિકાએ સતત વેનેઝુએલા પર કેરેબિયન દ્વારા અમેરિકામાં ડ્રગ્સની દાણચોરીનો આરોપ લગાવ્યો છે. તાજેતરમાં, અમેરિકાએ કેરેબિયન સમુદ્રમાં એક ઓપરેશન હાથ ધર્યું હતું, જેમાં અનેક લોકોના જીવ ગયા હતા. જોકે, અમેરિકાના યુદ્ધ સચિવે આ વાતને યોગ્ય ઠેરવી છે.