ફળો સ્વાસ્થ્ય અને હાઇડ્રેશન માટે ઉત્તમ હોવા છતાં, હૃદયની તંદુરસ્તી અને બ્લડ પ્રેશર મેનેજમેન્ટની દ્રષ્ટિએ તરબૂચ થોડું આગળ નીકળી જાય છે. રિપોર્ટના આધારે તરબૂચ અને ટેટી વચ્ચેના તફાવતો અને ફાયદા નીચે મુજબ છે

બ્લડ પ્રેશર માટે તરબૂચ કેમ છે વધુ ગુણકારી?

બ્લડ વેસલ્સને આપે છે 
તરબૂચમાં 'સિટ્રુલિન'નામનું એમિનો એસિડ હોય છે, જે રક્તવાહિનીઓને રિલેક્સ કરીને શરીરમાં લોહીનું પરિભ્રમણ સુધારે છે. તેનાથી હૃદય પરનો તણાવ ઘટે છે.
સોડિયમનું સંતુલન
તરબૂચમાં અંદાજે ૯૦% પાણી હોવાની સાથે પોટેશિયમ ભરપૂર માત્રામાં હોય છે, જે શરીરમાં સોડિયમ (મીઠા) ના સ્તરને સંતુલિત કરી બીપી કંટ્રોલ કરે છે.
હાર્ટ હેલ્થ પ્રોટેક્શન
આમાં રહેલું શક્તિશાળી એન્ટીઑકિસડન્ટ 'લાયકોપીન' (Lycopene) ફ્રી રેડિકલ્સના નુકસાનથી રક્તવાહિનીઓનું રક્ષણ કરે છે.
વજન નિયંત્રણ
તેમાં કેલરી ખૂબ ઓછી હોવાથી તે વજન સંભાળવામાં મદદરૂપ છે, જે હાઈ બીપીના જોખમને પરોક્ષ રીતે ઘટાડે છે.
ટેટી (શક્કરટેટી) 
ટેટી (શક્કરટેટી) ના પોતાના વિશેષ ફાયદાપાચન અને ગેસની સમસ્યામાં રાહત
તરબૂચની સરખામણીએ ટેટીમાં ફાઇબર વધુ હોય છે. તે ઉનાળા દરમિયાન એસિડિટી, પેટની ગરબડ અને કબજિયાતથી પરેશાન લોકો માટે અત્યંત હળવું અને ગુણકારી છે.

ઇલેક્ટ્રોલાઇટ બેલેન્સ

ઉનાળાના આકરા તાપમાં તે શરીરમાં પાણીની કમી પૂરી કરી ઇલેક્ટ્રોલાઇટનું સંતુલન જાળવી રાખે છે.
હાર્ટ મસલ્સ સપોર્ટ
આમાં પણ પોટેશિયમ હોવાથી તે હૃદયના સ્નાયુઓ અને નર્વ ફંક્શનને બહેતર બનાવવામાં મદદરૂપ છે.
ફળો ખાવાની સાચી રીત અને નિયમો તાજા ફળો જ ખાઓ
બજારના પેક કરેલા ફ્રૂટ બાઉલ ખાવાને બદલે હંમેશા તાજા કાપેલા ફળો જ પસંદ કરો અને લાંબા સમય સુધી કાપીને સ્ટોર ન કરો.
મીઠું કે ખાંડ ન ઉમેરવા
બ્લડ પ્રેશરના દર્દીઓએ આ ફળો પર ઉપરથી ક્યારેય વધારાનું નમક (મીઠું) કે ચાટ મસાલો ભભરાવવો જોઈએ નહીં.
રાત્રે ખાવાનું ટાળો
મોડી રાત્રે અથવા ભારે ભોજન (હેવી મીલ) લીધાના તુરંત પછી ફળ ન ખાવા. બે ભોજન વચ્ચેના સમયગાળામાં સ્નેક્સ તરીકે તેને ખાવા શ્રેષ્ઠ છે.
ડાયાબિટીસમાં સાવચેતી
ડાયાબિટીસના દર્દીઓએ બ્લડ સુગર કંટ્રોલમાં રાખવા માટે આ બંને ફળો મર્યાદિત અને સંતુલિત માત્રામાં જ ખાવા જોઈએ.