પ્રાપ્ત વિગત મુજબ જામજોધપુરના સડોદરના ગામના વતની અને હાલ સુરત રહેતા અમૃતભાઈ મુળજીભાઈ પંડિત (ઉ.વ.52) નામના પ્રૌઢ ગઈકાલે સાંજે ચિલોડા ગામે શેરીમાં ખાટલો ઢાળીને બેઠા હતા ત્યારે બે ખુંટીયાઓ સામસામે આવી જતા સિંગડાં યુધ્ધ ચાલી રહ્યું હતું દરમિયાન બંને ખુંટીયાઓ દોડતા આવી ખાટલા પર ચડી જતા બેઠેલા પ્રૌઢને કચડતા ઈજાઓ થવાથી પ્રથમ જામજોધપુર અને ત્યાંથી વધુ સારવાર માટે રાજકોટ સિવિલ હોસ્પિટલમાં ખસેડવામાં આવતા બનાવ અંગે હોસ્પિટલ ચોકીના સ્ટાફે શેઠ વડાળા પોલીસને જાણ કરી નોંધ કરી હતી. પ્રૌઢ કર્મકાંડનું કામ કરે છે અને સુરતથી સડોદર વતનમાં આવ્યા હતા અને ત્યાંથી ચિલોડા ગામે સ્વજનના લગ્ન હોય ત્યાં ગયા હતા ત્યારે આ બનાવ બન્યો હતો.