યુજીવીસીએલનો જુનિયર આસિસ્ટન્ટ ધનરાજ દિપકકુમાર પટેલ 15 હજારની લાંચ લેતા અમદાવાદ એસીબીના હાથે રંગેહાથ ઝડપાયો છે. તે ચાંગોદર યુજીવીસીએલની સબ ડિવીઝનની ઓફિસ નીચે જ લાંચ લેતા ઝડપાયો છે. 

મળતી માહિતી મુજબ, ફરિયાદીની ફાર્મા કંપનીમાં મીટરનાં લોડ વધારા માટે યુજીવીસીએલની વેબસાઇટ પર ઓનલાઇન અરજી કરી જે અંગેની ઓનલાઇન ફી ભરી હતી. જે મીટર લોડ વધારાનું તમામ કામ પતાવી આપવા માટે વ્યવહાર પેટે આ કામ માટે ધનરાજે ફરીયાદી પાસેથઈ રૂ.૧૫,૦૦૦ની લાંચની માંગણી કરી હતી. આજે આ લાંચની રકમ રૂ.૧૫,૦૦૦ આપી જવા વાયદો કર્યો હતો.

આ લાંચની રકમ ફરિયાદી આપવા માંગતા ન હોય. જેથી ફરિયાદીએ અમદાવાદ એસીબીનો સંપર્ક કરી ફરિયાદ આપતા ફરિયાદીની ફરિયાદના આધારે ગોઠવેલ લાંચના છટકા દરમ્યાન આ કામના આરોપીએ ફરિયાદી સાથે હેતુલક્ષી વાતચીત કરી લાંચના નાણા રૂ.૧૫,૦૦૦ સ્વીકારી પકડાઇ ગયો હતો.