View this post on Instagram

A post shared by DILJIT DOSANJH (@diljitdosanjh)

દિલજીત દોસાંઝ છેલ્લા ઘણા સમયથી દુનિયાભરમાં કોન્સર્ટ કરી રહ્યો છે. તેણે પોતાની ગાયકીથી વૈશ્વિક સ્તરે ઓળખ મેળવી છે. આજે વિશ્વના વિવિધ ભાગોમાં તેના કરોડો ચાહકો છે. અભિનયની સાથે અદ્ભુત સિંગિંગ માટે જાણીતા દિલજીત દોસાંજને એક ખાસ સરપ્રાઈઝ મળ્યું છે. પંજાબી સિંગર અને એક્ટરએ તાજેતરમાં ધ ટુનાઈટ શો વિથ જિમી ફેલોન પર પરફોર્મ કરીને યુ.એસ.ને જુમાવ્યું હતું. હવે તેની નજર કેનેડા પર છે. તે અહીં અનેક કોન્સર્ટ પણ કરી રહ્યો છે. દિલજીતે ગયા સપ્તાહના અંતમાં કેનેડામાં ટોરોન્ટોમાં રોજર્સ સેન્ટરમાં પરફોર્મ કર્યું હતું.

દિલજીતે તેની ઇન્સ્ટાગ્રામ સ્ટોરીઝ પર બોર્ન ટુ શાઇનના લોકપ્રિય ટ્રેક પર તેના અભિનયની ઝલક શેર કરી હતી અને વિશાળ ભીડ તેના માટે ઉત્સાહિત જોવા મળી હતી. તેણે તેના ફીડ પર એક વીડિયો પણ શેર કર્યો જેમાં કેનેડાના વડાપ્રધાન જસ્ટિન ટ્રુડોએ તેને આશ્ચર્યચકિત કર્યા છે. તે અચાનક તેને મળવા આવી પહોંચ્યા હતા. દિલજીત કેનેડાના વડાપ્રધાનને મળીને ખૂબ જ ખુશ થયો અને તેમને ગળે લગાવીને ખુશી વ્યક્ત કરી. દિલજીતના ચાહકોએ તેની નવી સફળતાની ઉજવણી કરવા માટે તેની પોસ્ટના કોમેન્ટ સેક્શનને છલકાવી દીધું છે. તેમાંથી એકે ટિપ્પણી કરી, 'પંજાબીઓ ભારતને પ્રખ્યાત કરી રહ્યા છે.