ફિલ્મમેકર ઇમ્તિયાઝ અલી તેમની શાનદાર ફિલ્મો માટે જાણીતા છે. તેઓ હંમેશાં એક અલગ જ ખાસ વાર્તા સાથે પડદા પર આવે છે. એવામાં ઇમ્તિયાઝની રોમેન્ટિક ડ્રામા ફિલ્મ 'મેં વાપસ આઉંગા'ને ખૂબ પસંદ કરવામાં આવી હતી. આ ફિલ્મ 12 જૂને સિનેમાઘરોમાં રિલીઝ થઈ હતી અને દર્શકોએ તેને ખૂબ જ પ્રેમ આપ્યો હતો. 'મેં વાપસ આઉંગા'માં વેદાંગ રૈના, શરવરી અને નસીરુદ્દીન શાહ લીડ રોલમાં છે. જો તમે આ ફિલ્મને સિનેમાઘરોમાં જોવાનું ચૂકઈ ગયા હોવ, તો હવે તમે તેને ઘરે બેઠા આરામથી જોઈ શકો છો, કારણ કે આ ફિલ્મ હવે ઓટીટી પર રિલીઝ થવા જઈ

રહી છે. હકીકતમાં, નેટફ્લિક્સ ઇન્ડિયાએ પોતાના સત્તાવાર ઇન્સ્ટાગ્રામ એકાઉન્ટ પર 'મેં વાપસ આઉંગા'ની ઓટીટી રિલીઝની જાહેરાત કરી છે. તેમણે પોતાની પોસ્ટમાં જણાવ્યું કે 'મેં વાપસ આઉંગા' 7 ઓગસ્ટ, શુક્રવારે આ પ્લેટફોર્મ પર પ્રીમિયર માટે તૈયાર છે. ફિલ્મવાના પોસ્ટર સાથે કેપ્શનમાં લખ્યું છે, "78 વર્ષ પહેલાં જે વાર્તા અધૂરી રહી ગઈ હતી, તે હવે પૂરી થશે! જુઓ મેં વાપસ આઉંગા, 7 ઓગસ્ટે નેટફ્લિક્સ પર!" એટલે કે તમે 'મેં વાપસ આઉંગા'ને આજથી જ નેટફ્લિક્સ પર એન્જોય કરી શકો છો. ફિલ્મના ઓટીટી રિલીઝના સમાચારથી ફેન્સ ખૂબ જ ખુશ છે અને પોસ્ટ પર કમેન્ટ કરીને લખી રહ્યા છે કે ફાઇનલી હવે તેઓ તેને ઘરે બેસીને જોઈ શકશે.ડિરેક્ટર ઇમ્તિયાઝ અલીની 'મેં વાપસ આઉંગા' એક 95 વર્ષના વૃદ્ધની વાર્તા છે, જેમને પાકિસ્તાન જવાની જબરદસ્ત કોશિશ દરમિયાન સ્ટ્રોક આવી જાય છે. વૃદ્ધની યાદો આવતી-જતી રહે છે અને તેમનો પૌત્ર ભાગલા પહેલાના સમયની વિખરાયેલી વાતોને જોડીને વાર્તા સમજવાનો પ્રયત્ન કરે છે, જ્યારે વૃદ્ધ પોતાના જીવનના છેલ્લા દિવસોમાં શાંતિ મેળવવા માટે સંઘર્ષ કરે છે. આ ફિલ્મ સીમાઓ ખેંચાયાના લાંબા સમય પછી પણ માનવો પર પડેલી અસરોને સમજવાનો પ્રયત્ન કરે છે. ફિલ્મ 'મેં વાપસ આઉંગા'માં દિલજીત દોસાંજ, શરવરી, વેદાંગ રૈના અને નસીરુદ્દીન શાહ જેવા કલાકારો મહત્વની ભૂમિકામાં છે. આ ફિલ્મની રિલીઝ સાથે જ કંગના રનૌતની 'ભારત ભાગ્ય વિધાતા' અને 'હૌંટેડ 3ડી  ઈકોઝ ઓફ ધ પાસ્ટ' સામે ટક્કર થઈ હતી. એવામાં આ ત્રણેય ફિલ્મો વચ્ચે કમાણીને લઈને જોરદાર સ્પર્ધા રહી હતી, તેમ છતાં 'મેં વાપસ આઉંગા' શાનદાર કમાણી કરવામાં સફળ રહી છે.