દક્ષિણ ભારતના દરિયાકાંઠે ત્રાટકેલા વિનાશક ચક્રવાત અને ભારે વાવાઝોડાના સંકટ વચ્ચે પણ જીવનની નવી આશા અને ખુશીઓના સમાચાર સામે આવ્યા છે. ચક્રવાતના આ કપરા સમયગાળા દરમિયાન માત્ર ઓડિશા રાજ્યમાં જ જુદી જુદી હોસ્પિટલોમાં કુલ ૯૩૧ બાળકોનો જન્મ થયો છે. આ કુદરતી આફત વચ્ચે જન્મેલા બાળકોના પરિવારોએ આ ક્ષણને યાદગાર બનાવવા માટે નવજાત શિશુઓના અનોખા અને ખાસ નામો રાખ્યા છે. ઘણા માતા-પિતાએ તેમના પુત્રોનું નામ અર્નબ અને પુત્રીઓનું નામ વર્ષા રાખ્યું હતું.

મુખ્યમંત્રી મોહન ચરણ માઝીએ જણાવ્યું હતું કે વાવાઝોડા પહેલા 2,245 સગર્ભા સ્ત્રીઓને સુરક્ષિત પ્રસૂતિ માટે વિવિધ હોસ્પિટલોમાં લઈ જવામાં આવી હતી. આ સમયગાળા દરમિયાન, 931 સ્ત્રીઓએ જન્મ આપ્યો. માતા અને બાળકો બંને સ્વસ્થ છે.

ગંજમ જિલ્લાના પાત્રપુરમાં સુકાંત પ્રધાને એક પુત્રને જન્મ આપ્યો. પરિવારે તેનું નામ અર્નબ રાખ્યું. દરમિયાન, ચિક્રડામાં રુક્મિણી બેહરાએ એક પુત્રીનું નામ વર્ષા રાની રાખ્યું. વધુમાં, કેટલાક પરિવારોએ તેમના પુત્રોનું નામ તુફાન અને પવન અને તેમની પુત્રીઓનું નામ બતાસી રાખ્યું.

ગંજમ જિલ્લામાં, વહીવટીતંત્રે 25 ઓક્ટોબરથી 493 સગર્ભા સ્ત્રીઓને હોસ્પિટલોમાં લઈ જવામાં આવી હતી. આમાંથી, બુધવારે બપોરે 1 વાગ્યા સુધીમાં 220 સ્ત્રીઓએ પ્રસૂતિ કરાવી હતી.

ચક્રવાતની કટોકટી વચ્ચે તબીબો, આરોગ્યકર્મીઓ અને સ્થાનિક વહીવટીતંત્રની આ સમયસરની કામગીરી અને સેવાભાવનાની ચારેય તરફ પ્રશંસા થઈ રહી છે.