રાજકોટ  શહેરમાં જુગારના બે દરોડામાં પોલીસે ત્રણ મહિલાઓ સહિત દસ શખસોને ઝડપી લીધા હતાં. પ્ર.નગર પોલીસે પરસાણાનગર અને વાલ્મિકીવાડીમાં આ દરોડા પાડયા હતાં. જુગારના દરોડાની જાણવા મળતી વિગત મુજબ પ્ર. નગર પોલીસ મથકના પીએસઆઇ એસ.ડી.કોઠીવાર સહિતનો સ્ટાફ પેટ્રોલિંગમાં હતો દરમિયાન કોન્સ્ટેબલ પ્રતાપભાઈ વદર અને ટીમને પરસાણાનગર શેરી નં.9 માં રહેતા બલદેવ ભોલા નારોલાના મકાનમાં બંધ બારણે જુગારધામ ચાલી રહ્યું છે તેવી મળેલ ચોક્કસ બાતમીના આધારે ટીમે દરોડો પાડી જુગાર રમતા બલદેવ ભોલા નારોલા, રાહુલ પરષોત્તમ નૈયર, રવિ અશોક નારોલા અને રાજ સુરેશ ઝાલાને પકડી પાડી રોકડા રૂપિયા 11,000 કબજે કર્યા હતા. બીજા દરોડામાં પ્ર.નગર પોલીસની ટીમે વાલ્મિકી વાડી શેરી નં.2 માં રહેતા અતિશ મોહન ચૌહાણના મકાનમાં દરોડો પાડી જુગાર રમતા અતિસ મોહન ચૌહાણ, દીપક નાગજી વાઘેલા, સતીશ રમેશ રાઠોડ, ઉર્મિલા રમેશ ચૌહાણ, ગીતા અતિશ ચૌહાણ અને પૂજા ભાવિન બેરડીયા ને પકડી પાડી રૂપિયા 10000 ની રોકડ કબજે કરી હતી.