આ અઠવાડિયાની શરૂઆત મુંબઈમાં ભારે વરસાદથી થઈ હતી, આજે સવારે 8 વાગ્યે પૂરા થયેલા 24 કલાકમાં શહેર વિસ્તારમાં સૌથી વધુ વરસાદ પડ્યો હતો. આઈએમડી કોલાબામાં 100 મીમી વરસાદ નોંધાયો હતો, જ્યારે આઈએમડી સાન્તાક્રુઝમાં 86 મીમી વરસાદ નોંધાયો હતો. કેટલાક સ્થળોએ ભારે વરસાદની ચેતવણી આપવામાં આવી છે અને રેડ એલર્ટ આપવામાં આવ્યું છે. જયારે પડોશી જિલ્લાઓ થાણે, રાયગઢ અને પાલઘર માટે 'ઓરેન્જ એલર્ટ' જારી કરવામાં આવ્યું છે, જ્યાં ભારે વરસાદની શક્યતા છે. મુંબઈના કેટલાક ભાગોમાં આખી રાત ગાજવીજ અને વીજળી સાથે વરસાદ પડ્યો હતો. જોકે, સવાર સુધીમાં વરસાદની તીવ્રતામાં ઘટાડો થયો હતો.

ઓટોમેટિક વેધર સ્ટેશનોના રેકોર્ડિંગ અનુસાર, શહેરના વડાલામાં સૌથી વધુ 161.4 મીમી વરસાદ નોંધાયો હતો, ત્યારબાદ માટુંગામાં 147.55 મીમી વરસાદ પડ્યો હતો. લોઅર પરેલ અને વરલી ફાયર સ્ટેશન જેવા અન્ય મુખ્ય સ્થળોએ પણ અનુક્રમે 143.46 મીમી અને 140.73 મીમી વરસાદ પડ્યો હતો.

પશ્ચિમી ઉપનગરોમાં, બાંદ્રામાં 134.59 મીમી અને ફાયર સ્ટેશનમાં 103.4 મીમી વરસાદ પડ્યો હતો. પૂર્વીય ઉપનગરોમાં તુલનાત્મક રીતે ઓછો વરસાદ પડ્યો હતો. અહીં સૌથી વધુ વરસાદ ચેમ્બુરમાં 111 મીમી નોંધાયો હતો. કુર્લામાં એલ વોર્ડ ઓફિસ, પાસપોલી પવઈ અને ચેમ્બુર ફાયર સ્ટેશન જેવા અન્ય સ્થળોએ ૮૧.૭૪ મીમી અને ૮૬.૫૩ મીમી વચ્ચે વરસાદ નોંધાયો હતો.