સોશિયલ મીડિયા પર જ્યારે નફરત, ટ્રોલિંગ અને કડવાશનો માહોલ વધી રહ્યો હોય, ત્યારે દેશના સર્વોચ્ચ પદ પર બેઠેલા નેતા તરફથી શાંતિ, સંયમ અને એકતાનો સંદેશ આવે તે ખૂબ આશ્વાસન આપનારું બની રહે છે. વડાપ્રધાન નરેન્દ્ર મોદીએ પોતાના ઈન્સ્ટાગ્રામ (Instagram) એકાઉન્ટ પર એક વિશેષ વીડિયો અપલોડ કરીને દેશના યુવાનો અને નાગરિકોને ગાળાગાળી કે નકારાત્મકતા છોડીને રાષ્ટ્રનિર્માણના માર્ગે સાથે મળીને આગળ વધવાની હૃદયસ્પર્શી અપીલ કરી છે.

દેશમાં શાંતિ, સમભાવ અને રચનાત્મક વાતાવરણ જાળવી રાખવા માટે વડાપ્રધાન નરેન્દ્ર મોદીએ સોશિયલ મીડિયા પ્લેટફોર્મ ઈન્સ્ટાગ્રામ પર એક નવો વીડિયો શેર કર્યો છે. આ ટૂંકા પરંતુ અત્યંત અસરકારક વીડિયો સંદેશમાં પીએમ મોદીએ ખૂબ જ સંવેદનશીલ શબ્દોમાં દેશવાસીઓને અંદરોઅંદરના ભેદભાવ અને કડવાશ ભૂલીને ભારતને આગળ લઈ જવા માટે એકસાથે મળીને કામ કરવા આહ્વાન કર્યું છે.

વીડિયો સંદેશમાં પીએમ મોદીએ શું કહ્યું?
વડાપ્રધાને પોતાના વીડિયો સંદેશમાં સ્પષ્ટ અને પ્રેરણાદાયી વિચારો રજૂ કરતા કહ્યું કે:
"ગાળો કે કડવાશથી ક્યારેય કોઈ ઉકેલ નથી આવતો."
"ચાલો, જેઓ ભટકી ગયા છે તેમને સાચો માર્ગ બતાવીએ."
"ચાલો, આપણે સૌ સાથે મળીને કામ કરીએ."
"ચાલો, આપણે સૌ સાથે મળીને આપણા ભારત માટે કામ કરીએ."

​​​​​​​આજકાલ ડિજિટલ દુનિયા અને સોશિયલ મીડિયા પર નાની-નાની વાતોમાં એકબીજા પર અભદ્ર ટિપ્પણીઓ કે ગાળો આપવાની માનસિકતા ખૂબ ઝડપથી વધી રહી છે. આવી સ્થિતિમાં દેશના વડાપ્રધાન પોતે સામે ચાલીને યાદ અપાવે કે 'ગાળો કે આક્રોશથી સમસ્યાઓ ઉકેલાતી નથી' તે આજના યુવાધન માટે ખૂબ મોટો પાઠ છે. દેશ તિરસ્કારથી નહીં, પણ સહયોગ અને પ્રેમથી બને છે.