ગુજરાત સરકારના ગૃહ વિભાગ દ્વારા રાજ્યના પોલીસ તંત્રમાં એક મહત્ત્વપૂર્ણ નિર્ણય લેવામાં આવ્યો છે. આ નિર્ણય અંતર્ગત નાયબ પોલીસ અધિક્ષક (DySP / ACP - વર્ગ-1) કક્ષાના અધિકારીઓને ‘In-situ’ ધોરણે બઢતી આપવામાં આવી છે. તેમને બઢતી આપીને પોલીસ અધિક્ષક (SP / DCP - વર્ગ-1) કક્ષાની જગ્યાઓ પર એડહોક નિમણૂક આપતી સત્તાવાર અધિસૂચના જાહેર કરવામાં આવી છે. સરકારના આ પગલાથી પોલીસ વિભાગમાં વહીવટી કામગીરી વધુ ઝડપી બનશે અને અધિકારીઓને નવી જવાબદારીઓ મળશે.   

પે-મેટ્રિક્સ લેવલમાં અપગ્રેડેશન

આ વિશેષ નિર્ણયથી અધિકારીઓના હોદ્દા અને પે-મેટ્રિક્સમાં મોટો સુધારો થયો છે. તમામ સંબંધિત અધિકારીઓને પે-મેટ્રિક્સ લેવલ-10માંથી અપગ્રેડ કરીને સીધા લેવલ-11માં પ્રોમોટ કરવામાં આવ્યા છે. ગૃહ વિભાગ દ્વારા જાહેર કરાયેલા આદેશ અનુસાર, બદલી અને બઢતી મેળવનાર આ તમામ અધિકારીઓ પોતાની હાલની ફરજની જગ્યાઓ પર જ અપગ્રેડેડ એક્સ-કેડર જગ્યા પર રહીને પોતાની નવી અને ઉચ્ચ જવાબદારીઓ સંભાળતા રહેશે.

બઢતી મેળવનાર અધિકારીઓની યાદી

બી.આર. ચૌબે: મદદનીશ સેનાપતિમાંથી સેનાપતિ (મ.સે.), રાજ્ય અનામત પોલીસ દળ, જૂથ-20, વિરમગામ.   

એમ.એસ. શેખ: મદદનીશ પોલીસ કમિશ્નરથી નાયબ પોલીસ કમિશ્નર (ટ્રાફિક), રિજિયન-4, સુરત શહેર.   

બી.એસ. મોરી: નાયબ પોલીસ અધિક્ષકમાંથી પોલીસ અધિક્ષક, આઈ.બી., સુરત રિજિયન.   

એ.કે. વર્મા: વિભાગીય પોલીસ અધિકારીમાંથી પોલીસ અધિક્ષક, વલસાડ વિભાગ.   

ડી.પી. ચૂડાસમા: નાયબ પોલીસ અધિક્ષકમાંથી પોલીસ અધિક્ષક, એસ.સી./એસ.ટી. સેલ, ડી.જી.પી. કચેરી, ગાંધીનગર.   

બી.એ. પટેલ: મદદનીશ પોલીસ કમિશ્નરમાંથી નાયબ પોલીસ કમિશ્નર (ક્રાઈમ), અમદાવાદ શહેર.