બીએસએનએલ એ તાજેતરમાં દેશભરમાં 100,000 થી વધુ મોબાઇલ ટાવર સ્થાપિત કરીને તેની 4જી સેવાનો વિસ્તાર કર્યો છે. કંપની ભવિષ્યમાં લગભગ 97,500 વધુ ટાવર સ્થાપિત કરવાની યોજના ધરાવે છે. દરમિયાન, બીએસએનએલ ની 25મી વર્ષગાંઠ માટે વોઇસ ઓવર વાઇ-ફાઇ સેવાના લોન્ચને બીજો એક મોટો સીમાચિહ્ન માનવામાં આવી રહ્યો છે.

આ સેવાનું સોફ્ટ લોન્ચ 2 ઓક્ટોબરના રોજ ટેલિકોમ્યુનિકેશન વિભાગના સચિવ નીરજ મિત્તલ દ્વારા કરવામાં આવ્યું હતું. હાલમાં, આ સેવા દક્ષિણ અને પશ્ચિમ વર્તુળોમાં શરૂ કરવામાં આવી છે, પરંતુ ટૂંક સમયમાં તે દેશભરમાં ઉપલબ્ધ કરાવવામાં આવશે. વધુમાં,બીએસએનએલએ તાજેતરમાં મુંબઈમાં 4જી અને ઈ સીમ સેવાઓ શરૂ કરી છે, જે અગાઉ તમિલનાડુમાં શરૂ કરવામાં આવી હતી.

બીએસએનએલની આ વા કેવી રીતે કાર્ય કરશે

આ સેવા ખાસ કરીને એવા વિસ્તારોમાં ફાયદાકારક રહેશે જ્યાં મોબાઇલ નેટવર્ક નબળા છે. વપરાશકર્તાઓ તેમના ઘરના વાઈફાઈ અથવા બ્રોડબેન્ડ કનેક્શન દ્વારા વિક્ષેપ વિના સ્પષ્ટ અને સ્થિર કૉલ્સ કરી શકશે. જો કે, વપરાશકર્તાઓ પાસે વો વાઈફાઈ ને સપોર્ટ કરતો સ્માર્ટફોન હોવો આવશ્યક છે. મોટાભાગના નવા ફોન મોડેલોમાં હાલમાં આ વિકલ્પ તેમની સેટિંગ્સમાં બિલ્ટ છે.

બીએસએનએલના બધા ગ્રાહકો માટે મફત સેવા

બીએસએનએલ એ પુષ્ટિ કરી છે કે આ નવીસેવા સંપૂર્ણપણે મફત રહેશે. વપરાશકર્તાઓ પાસેથી કૉલ કરવા માટે કોઈ વધારાની ફી લેવામાં આવશે નહીં. કંપનીએ તેના એકાઉન્ટ દ્વારા જાહેરાત કરી હતી કે આ સેવા ગ્રાહકોને કોઈપણ વધારાના ખર્ચ વિના સુધારેલ કનેક્ટિવિટી અને સીમલેસ કૉલિંગ અનુભવ પ્રદાન કરશે.

બીએસએનએલ આ પગલાથી હવે તે મુખ્ય ટેલિકોમ કંપનીઓ સાથે સીધી સ્પર્ધામાં મુકાઈ ગયું છે. અગાઉ ફક્ત આ ખાનગી કંપનીઓ જ વાઈ ફાઈ કોલિંગ ઓફર કરતી હતી, પરંતુ હવેબીએસએનએલ પણ આ રેન્કમાં જોડાઈ ગયું છે.