જેતપુર–જૂનાગઢ રોડ પર માર્કેટિંગ યાર્ડ નજીક ગત તા.૧૦ના કારે બાઈકને ઠોકરે લેતા બાઈક ચાલક નવાગઢના વૃધ્ધનું સારવાર દરમિયાન મોત નિપજતા પરિવારમાં ગમગીની છવાઈ છે.બનાવની પ્રા વિગત મુજબ જેતપુરના નવાગઢમાં રહેતા બાબુભાઈ કડવાભાઈ સાવલીયા (ઉ.વ. ૭૩)ના વૃધ્ધ ગત તા.૧૦ માર્ચના મોટરસાઇકલ લઈને જઈ રહ્યા હતા ત્યારે જેતપુર – જૂનાગઢ રોડ પર માર્કેટિંગ યાર્ડ નજીક પુરપાટ ઝડપે આવતા કાર ચાલકે બાઇકને અડફેટે લેતા વૃધ્ધ બાઈક સમેત રોડ પર પટકાતા માથા અને શરીરે ગંભીર ઈજાઓ થવાથી પ્રથમ જેતપુર સરકારી હોસ્પિટલ અને ત્યાંની સંજીવની હોસ્પિટલ ખાતે અને વધુ સારવાર માટે રાજકોટની વોકહાર્ટ હોસ્પિટલ બાદ અંતે સિવિલમાં ખસેડાતા ચાલુ સારવાર દરમિયાન ગઈકાલે દમ તોડી દીધો હતો. બનાવ અંગે હોસ્પિટલ ચોકીના સ્ટાફે જેતપુર સીટી પોલીસને જાણ કરતા પોલીસ સ્ટાફે હોસ્પિટલ પહોંચી જરી કાર્યવાહી કરી હતી. બનાવના પગલે અકસ્માત સર્જી નાશી છૂટેલા કાર ચાલકની શોધખોળ હાથ ધરી છે