રાજકોટ શહેરના જીવરાજ પાર્ક નજીક સિધ્ધિ એપાર્ટમેન્ટમાં રહેતા વૃધ્ધ નવમા માળે આવેલા ફ્લેટની બાલકનીમાંથી નીચે પટકાતા ગંભીર ઇજા થવાથી મોત નીપજ્યું હતું. બનાવના પગલે રહેવાસીઓ એકઠા થઇ જતા 108 અને પોલીસને જાણ કરી હતી. ઘટનાની જાણ થતા તાલુકા પોલીસ સ્થળ પર પહોંચી જરૂરી કાર્યવાહી કરી હતી. વૃધ્ધને આંખે ઓછું દેખાવાની લાંબા સમયથી તકલીફ હોય આથી અકસ્માતે નીચે પટકાયા કે બીમારીથી કંટાળી છલાંગ લગાવી એ અંગે પોલીસે તપાસ હાથ ધરી છે.

બનાવની મળતી વિગત મુજબ જીવરાજ પાર્ક પાસે સિધ્‍ધી એમ્‍પાયર એપાર્ટમેન્‍ટમાં નવમા માળે રહેતાં કાંતિભાઇ ભાણજીભાઇ પીસીવાડીયા (ઉ.વ.૭૪) ના વૃધ્ધ સાંજે સાડા ચારેક વાગ્‍યે નવમા માળની ગેલેરીમાંથી નીચે પટકાતાં ઘટના સ્‍થળે જ કરુણ મ,મોત નીપજ્યું હતું. ઘટના જોતા જ આસપાસના લોકો દોડી ગયા હતા અને ૧૦૮ ને જાણ કરતાં 108ના ઇએમટીએ જોઈ તપાસી મૃત જાહેર કરી પોલીસને જાણ કરી હતી. બનાવની જાણ તાલુકા પોલીસને થતા એએસઆઈ ડી.સી.જોશી સહિતનો સ્ટાફ દોડી ગયો હતો અને મૃતદેહને પીએમ માટે ખસેડી તપાસ હાથ ધરી હતી. વૃધ્ધને કાંતિભાઇને દોઢ બે વર્ષથી આંખે ઓછુ દેખાતુ હતુ અને બિમારીની દવા પણ ચાલુ હતી. આથી અકસ્માતે બાલકની માંથી પડી ગયા કે કેમ તે જાણવા પોલીસે તપાસ યથાવત રાખી છે.