દિલ્હી પોલીસે કોકરોચ જનતા પાર્ટી (સીજેપી)ના નેતાઓ સામે દિલ્હીના જંતર-મંતર પર વિરોધ પ્રદર્શન કરવા બદલ કાર્યવાહી કરી છે. સૌરવ દાસ, આશુતોષ રંકા અને અજિંક્ય શિંદેની સાવચેતીના પગલા તરીકે ધરપકડ કરવામાં આવી હતી અને દિલ્હીની સ્પેશિયલ કોર્ટમાં રજૂ કરવામાં આવ્યા હતા. સૌરવ દાસ અને આશુતોષ રાંકાને પાંચ દિવસની ન્યાયિક કસ્ટડીમાં મોકલવામાં આવ્યા છે. અગાઉ, પોલીસે સૌરવ દાસ, આશુતોષ રાંકા અને સંગઠનના અન્ય સભ્યો સામે પરવાનગી વિના જંતર-મંતર વિસ્તારમાં પ્રવેશ કરવા બદલ એફઆઈઆર દાખલ કરી હતી.

સૌરવ દાસ, આશુતોષ રાંક અને અંજિક્ય શિંદે સહિતના સીજેપીના કાર્યકરોએ બેરિકેડેડ જંતર-મંતર વિસ્તારમાં ઘૂસી ગયા અને મુખ્ય ચૂંટણી કમિશનર જ્ઞાનેશ કુમારના રાજીનામાની માંગણી કરતા સૂત્રોચ્ચાર કર્યા હતા. બાદમાં પોલીસ દ્વારા ત્રણેયની ધરપકડ કરવામાં આવી હતી.

કોકરોચ જનતા પાર્ટીના કાનૂની વડા, રત્ના સિંહે એક્સ પર આ માહિતી પોસ્ટ કરી હતી. જંતર-મંતરને તાજેતરમાં નિયુક્ત વિરોધ સ્થળોની યાદીમાંથી દૂર કરવામાં આવ્યું હતું. ગઈકાલે સવારે, સૌરવ દાસ, આશુતોષ રાંકા અને સીજેપીના અન્ય ઘણા સભ્યોને પ્રતિબંધિત આદેશોનું ઉલ્લંઘન કરીને વિસ્તારમાં પ્રવેશ કરવા બદલ અટકાયતમાં લેવામાં આવ્યા હતા. સંગઠનનો દાવો છે કે તેના આશરે 11 સભ્યોની અટકાયત કરવામાં આવી હતી.

સીજેપીએ સૌરવ દાસ અને આશુતોષ રાંકા સામે થયેલી કાર્યવાહી પર સવાલ ઉઠાવ્યા છે. તેમણે સવાલ કર્યો કે, શું ત્રિરંગો લહેરાવવો પણ ગુનો બની ગયો છે?

દિલ્હી વિધાનસભામાં વિપક્ષના નેતા આતિશીએ સૌરવ દાસ અને આશુતોષ રાંકા સામે થયેલી કાર્યવાહીની ટીકા કરી હતી. તેમણે એવો પણ પ્રશ્ન કર્યો હતો કે તેમનો ગુનો શું છે.

કોકરોચ જનતા પાર્ટીના સ્થાપક અભિજીત દિપકેએ તિહાર જેલમાં સૌરવ દાસ અને આશુતોષ રાંકાની કેદ પર સવાલ ઉઠાવ્યા છે. તેમણે તેમના ગુના પર સવાલ ઉઠાવ્યા છે. તેમણે ઇન્સ્ટાગ્રામ પર પોસ્ટ કર્યું છે કે, આશુતોષ અને સૌરવને પાંચ દિવસ માટે ન્યાયિક કસ્ટડીમાં મોકલવામાં આવ્યા છે. શું તેમનો ગુનો જંતર-મંતર પર ત્રિરંગો ફરકાવવો એ છે?

પોલીસના જણાવ્યા અનુસાર, સૌરવ દાસ અને આશુતોષ રાંકાએ ફરીથી ભારતીય દંડ સંહિતાની કલમ 163નું ઉલ્લંઘન કર્યું છે. પોલીસે તેમને વારંવાર ગુનેગાર ગણાવવામાં તેમના ભૂતકાળના વર્તનનો ઉલ્લેખ કર્યો છે.

પોલીસે જણાવ્યું હતું કે તેઓએ તેમના જામીન બોન્ડની શરતોનું ઉલ્લંઘન કર્યું છે, જેના પગલે કોર્ટે તેમને પાંચ દિવસની ન્યાયિક કસ્ટડી માટે તિહાર જેલમાં મોકલ્યા છે.

સીજેપીના અંજિક્ય શિંદેને પોલીસે બોન્ડ જમા કરાવ્યા બાદ છોડી મૂક્યા હતા. દરમિયાન, સૌરવ દાસ અને આશુતોષ રાંકાને તેમના જામીન બોન્ડની શરતોનું ઉલ્લંઘન કરવા બદલ પાંચ દિવસની ન્યાયિક કસ્ટડી માટે તિહાર જેલમાં મોકલવામાં આવ્યા હતા.

સીજેપી અને ઈન્ડિયા ગંઠબંધનનો એક જ ધ્યેયઃ દીપકે

સીજેપીના સ્થાપક અભિજીત દિપકેએ જણાવ્યું હતું કે તેમના અને ઇન્ડિયા ગઠબંધનના ધ્યેયો સમાન છે. દિપકેએ જણાવ્યું હતું કે કોકરોચ જનતા પાર્ટી એક સ્વતંત્ર સંગઠન છે અને હંમેશા રહેશે. તેમણે સ્પષ્ટતા કરી હતી કે આનો અર્થ એ નથી કે પાર્ટી ઇન્ડિયા ગઠબંધનની વિરુદ્ધ છે. તેમણે ઉમેર્યું હતું કે બંને આંદોલનોનો હેતુ એક જ છે.

આંદોલનને કચડવા નહીં દઈએઃ સીજેપી

સીજેપીએ સોશિયલ મીડિયા પ્લેટફોર્મ એક્સ પર પોસ્ટ કરી, જેમાં જણાવ્યું હતું કે આંદોલનને દબાવવાના સરકારના પ્રયાસો ક્યારેય સફળ થશે નહીં. સીજેપીએ જણાવ્યું હતું કે આ આંદોલન લોકશાહી અને બંધારણના રક્ષણ માટે છે. કોઈને પણ લોકશાહી અને બંધારણ સાથે ચેડા કરવાની મંજૂરી આપવામાં આવશે નહીં.

શિંદે છ મહિના શાંતિ રાખવાની શરતે મુક્ત

પોલીસે કોકરોચ જનતા પાર્ટીના અજિંક્ય શિંદેને 5,000 રૂપિયાના બોન્ડ ભર્યા બાદ મુક્ત કર્યા છે. એસઈએમ કોર્ટે શિંદેને છ મહિના સુધી અશાંતિ ભડકાવવાથી દૂર રહેવાની શરતે મુક્તિ આપી હતી.