સુપ્રીમ કોર્ટ કોલેજિયમે હાઇકોર્ટના ચાર ન્યાયાધીશોને ગુજરાત, દિલ્હી, તેલંગણા અને ઉતરાખંડ હાઇકોર્ટના મુખ્ય ન્યાયાધીશ તરીકે બઢતી આપવાની ભલામણ કરી છે. આ ભલામણોની જાહેરાત 26 ઓક્ટોબરના રોજ કોલેજિયમની બેઠક બાદ જારી કરાયેલા એક નિવેદનમાં કરવામાં આવી હતી. જેમાં ગુજરાત હાઈકોર્ટના મુખ્ય ન્યાયાધીશ તરીકે જસ્ટિસ માનશ રંજન પાઠકની નિયુક્તિ કરવા ભલામણ કરવામાં આવી છે. 

કોલેજિયમે તેલંગાણા હાઈકોર્ટમાં ફરજ બજાવતા જસ્ટિસ પી. સામ કોશીને દિલ્હી હાઈકોર્ટના મુખ્ય ન્યાયાધીશ તરીકે નિયુક્ત કરવાની ભલામણ કરી છે. ગુજરાત હાઈકોર્ટના ન્યાયાધીશ માનશ રંજન પાઠકને તે જ હાઈકોર્ટના મુખ્ય ન્યાયાધીશ તરીકે નિયુક્ત કરવાની ભલામણ કરવામાં આવી છે. કોલકાતા હાઈકોર્ટમાં ફરજ બજાવતા જસ્ટિસ તપબ્રત ચક્રવર્તીને તેલંગાણા હાઈકોર્ટના મુખ્ય ન્યાયાધીશ તરીકે નિયુક્ત કરવાની ભલામણ કરવામાં આવી છે.

પટણા હાઈકોર્ટના ન્યાયાધીશ સુધીર સિંહને ઉત્તરાખંડ હાઈકોર્ટના મુખ્ય ન્યાયાધીશ તરીકે નિયુક્ત કરવાની ભલામણ કરવામાં આવી છે. 26 ઓક્ટોબરના રોજ યોજાયેલી સુપ્રીમ કોર્ટ કોલેજિયમની બેઠક બાદ જારી કરાયેલા એક નિવેદનમાં આ ભલામણોની જાહેરાત કરવામાં આવી હતી.

હાઈકોર્ટના મુખ્ય ન્યાયાધીશ કોર્ટના વહીવટી કાર્યોનું નિરીક્ષણ કરે છે, જેમાં કેસોની ફાળવણી અને બેન્ચની રચનાનો સમાવેશ થાય છે. સુપ્રીમ કોર્ટ કોલેજિયમની ભલામણો આ પ્રક્રિયાનો એક મહત્વપૂર્ણ ભાગ છે.

કોલેજિયમ નામોની ભલામણ કર્યા પછી, કેન્દ્ર સરકાર નિમણૂક પ્રક્રિયા આગળ ધપાવે છે. નિમણૂક સૂચના જારી થયા પછી, સંબંધિત ન્યાયાધીશ નવા હાઇકોર્ટના મુખ્ય ન્યાયાધીશનો કાર્યભાર સંભાળે છે. ચાર ન્યાયાધીશોની નિમણૂકથી સંબંધિત હાઇકોર્ટના વહીવટી નેતૃત્વમાં પરિવર્તન આવશે.

હાઇકોર્ટના મુખ્ય ન્યાયાધીશોની નિમણૂકમાં સુપ્રીમ કોર્ટ કોલેજિયમ મહત્વપૂર્ણ ભૂમિકા ભજવે છે. કોલેજિયમમાં ભારતના મુખ્ય ન્યાયાધીશ અને સુપ્રીમ કોર્ટના સૌથી વરિષ્ઠ ન્યાયાધીશનો સમાવેશ થાય છે.

કેન્દ્ર સરકાર નિમણૂક ભલામણો પર પ્રક્રિયા પૂર્ણ કર્યા પછી, રાષ્ટ્રપતિની મંજૂરી સાથે નિમણૂક સૂચના જારી કરવામાં આવે છે. સૂચના જારી થયા પછી, સંબંધિત ન્યાયાધીશ નિયુક્ત હાઇકોર્ટના મુખ્ય ન્યાયાધીશ તરીકે કાર્યભાર સંભાળે છે.