અમેરિકાની મધ્યસત્ર ચૂંટણીમાં રિપબ્લિકન પાર્ટીને થયેલા નુકસાન પછી ડેમોક્રેટિક પાર્ટી પ્રમુખ ડોનાલ્ડ ટ્રમ્પ અને તેમના નજીકના ઉદ્યોગપતિઓના વ્યવહારોની તપાસ કરવાની તૈયારી કરી રહી છે. આ તપાસમાં પાકિસ્તાન સાથે સંકળાયેલા ક્રિપ્ટોકરન્સીના સોદા પણ સામેલ થઈ શકે છે.

અહેવાલ પ્રમાણે ડેમોક્રેટિક સાંસદો ટ્રમ્પ પરિવારના વ્યાપારી હિતો, વિદેશી રોકાણો, ક્રિપ્ટોકરન્સીના વ્યવહારો અને મોટી ટેક્નોલોજી કંપ્નીઓ સાથેના સંબંધો અંગે તપાસ શરૂ કરવાની તૈયારીમાં છે.
કેલિફોર્નિયાના સાંસદ રોબર્ટ ગાર્સિયાએ તપાસ માટે કેટલાક મહત્વના મુદ્દા નક્કી કયર્િ છે. તેમાં ટ્રમ્પ પરિવારના વ્યવસાય, સરકારી સત્તાનો ખાનગી લાભ માટે ઉપયોગ થયો હોવાના આક્ષેપો, ઇમિગ્રેશન વિભાગની કામગીરી અને જેફરી એપસ્ટીન સંબંધિત દસ્તાવેજોનો સમાવેશ થાય છે.

ટ્રમ્પ્ના જમાઈ જેરેડ કુશનરના વિદેશી રોકાણો અને પાકિસ્તાન સાથે જોડાયેલા ક્રિપ્ટો વ્યવહારો પણ તપાસ હેઠળ આવી શકે છે. પાકિસ્તાન ક્રિપ્ટોકરન્સીના આંતરરાષ્ટ્રીય વેપારમાં પોતાનું સ્થાન મજબૂત કરવા માગે છે. આવી સ્થિતિમાં અમેરિકામાં તપાસ શરૂ થાય તો પાકિસ્તાન સાથેના કેટલાક વ્યવહારો સામે પ્રશ્નો ઊભા થઈ શકે છે.

બીજી તરફ ટેસ્લા અને સ્પેસએક્સના વડા એલન મસ્કે અમેરિકાની ચૂંટણીમાં રિપબ્લિકન ઉમેદવારો અને રાજકીય સમિતિઓને ટેકો આપવા માટે અંદાજે 44.5 કરોડ ડોલર ખચ્યર્િ હોવાનો અહેવાલ છે.ડેમોક્રેટ્સ મસ્કની કંપ્નીઓને મળેલા સરકારી કોન્ટ્રાક્ટ, સબસિડી અને સરકારી માહિતી સુધી તેમની પહોંચ અંગે પણ તપાસ કરી શકે છે.

જોકે તપાસની તૈયારી અને કોઈ ગેરરીતિ સાબિત થવી એ બે અલગ બાબતો છે. પાકિસ્તાન કે ટ્રમ્પ પરિવારના કોઈ વ્યવહારમાં ગેરરીતિ થઈ હોવાનું હજુ આ અહેવાલથી સાબિત થતું નથી.