ઈરાનની એર ડીફેન્સ સીસ્ટમને નિશાન બનાવીને નવા મર્યિદિત હુમલા કરવામાં આવ્યા છે. રાષ્ટ્રપતિ ડોનાલ્ડ ટ્રમ્પે આ સૈન્ય કાર્યવાહીની પુષ્ટિ કરી છે અને તેને ખૂબ જ સામાન્ય ગણાવી છે. તેમણે જણાવ્યું કે ઈરાને એક નાનકડી એન્ટી-એરક્રાફ્ટ ટુકડી તૈનાત કરી હતી, જેને અમેરિકી સેનાએ મિનિટોમાં જ નષ્ટ કરી દીધી.

દરમિયાન, ઈરાનના સરકારી મીડિયાએ હોર્મુઝની સામુદ્રધુનીમાં આવેલા કેશ્મ ટાપુના સુઝા વિસ્તારમાં બે વિસ્ફોટો થયા હોવાની પુષ્ટિ કરી છે. હોર્મુઝની સામુદ્રધુની તેલ પરિવહન માટે અત્યંત મહત્વપૂર્ણ માર્ગ છે. આ સૈન્ય કાર્યવાહી એવા સમયે થઈ છે જ્યારે ડોનાલ્ડ ટ્રમ્પ્ની રિપબ્લિકન પાર્ટીને અમેરિકાની મધ્યસત્ર ચૂંટણીઓમાં મોટો ચૂંટણીકીય ફટકો પડ્યો છે.

યુદ્ધને કારણે સર્જાયેલી મોંઘવારી અને ઈંધણના ઊંચા ભાવને લઈને મતદારોમાં રહેલો અસંતોષ આ હારનું મુખ્ય કારણ માનવામાં આવે છે. ચૂંટણીમાં મળેલી આ હાર બાદ, ટ્રમ્પે એક તરફ ઈરાનને નષ્ટ કરવાની ધમકી આપી છે, તો બીજી તરફ સંઘર્ષના ઝડપી ઉકેલની આશા પણ વ્યક્ત કરી છે.આ હુમલાઓ વચ્ચે, રાજદ્વારી માધ્યમો દ્વારા તણાવ ઘટાડવાના પ્રયાસો તેજ બન્યા છે. મધ્યસ્થી તરીકે કામ કરી રહેલા કતારે ઈરાન સમક્ષ નવા પ્રસ્તાવો રજૂ કયર્િ છે, જેનો ઉદ્દેશ્ય ઈરાનના પરમાણુ કાર્યક્રમ અંગેના મતભેદોને ઉકેલવાનો છે. આ ક્ષેત્રના બે દેશોના અધિકારીઓના જણાવ્યા અનુસાર, ઈરાન હાલમાં આ પ્રસ્તાવોની સમીક્ષા કરી રહ્યું છે.

જોકે, અધિકારીઓનું કહેવું છે કે જ્યાં સુધી અમેરિકા યુદ્ધવિરામ સંબંધિત મુખ્ય શરતો સ્વીકારે નહીં, ત્યાં સુધી ઈરાન ટ્રમ્પ વહીવટીતંત્ર સાથે પરમાણુ મુદ્દે સીધી વાતચીત કરવા તૈયાર હોય તેવું લાગતું નથી.

આ ઉપરાંત, શુક્રવારે મોડી રાત્રે અમેરિકાના સેન્ટ્રલ કમાન્ડે એક્સ પર જાહેરાત કરી છે કે, જે વ્યક્તિ ઈરાનના ન્યુક્લિયર પ્રોગ્રામ, તેનાં સ્થળો કે વૈજ્ઞાનિકો વિશે ગુપ્ત માહિતી આપશે, તેને 2 કરોડ ડોલર સુધીનું ઈનામ અને અન્ય સ્થળે વસવાટ કરવામાં મદદ આપવામાં આવશે.ઈરાનના ઇસ્લામિક રિવોલ્યુશનરી ગાર્ડ કોર્પ્સએ શુક્રવારે જણાવ્યું હતું કે નિયમોનું ઉલ્લંઘન કરીને હોર્મુઝ સ્ટ્રેટમાંથી પસાર થવાનો પ્રયાસ કરી રહેલા બે ઓઇલ ટેન્કરો નૌકાદળની ખાણો સાથે અથડાયા હતા અને ત્યારબાદ આગ લાગી હતી. દરમિયાન, ઈરાની નૌકાદળે જાહેર કર્યું છે કે હોર્મુઝ સ્ટ્રેટ હાલમાં બંધ છે, અને જ્યાં સુધી યુનાઇટેડ સ્ટેટ્સ ઈરાન દ્વારા નિર્ધિરિત સાત શરતોનું પાલન ન કરે ત્યાં સુધી પરિસ્થિતિ યથાવત રહેશે.