જામનગર: લાલપુરના શ્રી વિદ્યાદીપ શૈક્ષણિક સંકુલમાં ટીબી જાગૃતિ કાર્યક્રમ યોજાયો: NSS ના ૧૪ સ્વયંસેવકો બન્યા 'નિ-ક્ષય મિત્ર'

દેશને ટીબી મુક્ત બનાવવાના અભિયાન અંતર્ગત યુવાઓમાં આરોગ્ય જાગૃતિ લાવવા અને સામાજિક ઉત્તરદાયિત્વ નિભાવવા અનોખી પહેલ

જામનગર તા.૧૭, લાલપુર તાલુકાની શ્રી વિદ્યાદીપ શૈક્ષણિક સંકુલ શાળા ખાતે નેશનલ સર્વિસ સ્કીમ-એન.એસ.એસ. ના વિદ્યાર્થીઓ માટે ટીબી રોગ જાગૃતિ સેમિનારનું આયોજન કરવામાં આવ્યું હતું. દેશને ટીબી મુક્ત કરવાના રાષ્ટ્રીય અભિયાન અંતર્ગત યોજાયેલા આ કાર્યક્રમમાં શાળાના ૧૪ NSS સ્વયંસેવકોએ ઉત્સાહપૂર્વક આગળ આવી ટીબી દર્દીઓની સહાય માટે 'નિ-ક્ષય મિત્ર' તરીકે નોંધણી કરાવી સમાજ સેવાનું ઉત્કૃષ્ટ ઉદાહરણ પૂરું પાડ્યું હતું.